【萬千星輝】馮盈盈太緊張講錯英文　到底咩係over-warm？

馮盈盈講嘢一向都夠爆夠踩界，大家睇節目《後生仔傾吓偈》入面嘅言語都知啦！今晚（16日）佢得到「飛躍進步女藝員」獎嘅時候，除咗一直話自己唔夠班之餘，仲話諗住拎唔到獎就去廁所。但唔只呀，佢最尾講咗句「我仲係好over-warm」，真係搞到一班觀眾搲晒頭！但記者估計，FYY應該係講緊「overwhelmed」，即係受寵若驚咁解！或者係緊張得濟，一時口快講錯咗啫！之後FYY喺慶功宴上面都有更正，重覆講返幾次「overwhelmed」嘅正確發音。