【找數】張敬軒搵埋當奴扮「飄零燕」唱兒歌　加插泰文出奇地夾

張敬軒因為經常「走數」，所以被粉絲改了一個「走數軒」的花名。軒仔為了一洗污名，今年他開始找數，包括出碟、演唱會、拍科幻片等，軒仔於自己的社交網站上載一條片段，DJ當奴在片段中，着住條短裙仔通山跑，而軒仔就拎住草泥馬公仔同當奴在山上面玩，原來軒仔翻唱經典卡通片《飄零燕》主題曲，還找來當奴拍埋MV《阿爾卑斯山的中女》，找埋欠歌迷的「兒歌數」。

MV製作得一絲不苟，特別在造型方面，真的落足心思，好似軒仔飾演的「彼得」和當奴飾演嘅「海迪」，無論由髮型到服裝，都同原著一模一樣。唱腔方面，軒仔一改平時靚聲，改為以一把卡通聲去唱；歌詞更顯心思，唱到中段，突然加插泰文及日文，音調效果出奇地夾。

事後軒仔說：「泰文同日本係突然間諗到所以唱咗出嚟。」他笑說：「好希望可以憑呢首歌打入國際同兒歌市場。同埋走數嚟講呢，我係找得慢啲嘅，總之有拖冇欠啦。」