郭富城做人父後想挑戰代言嬰兒產品　會搵埋囡囡出鏡？

郭富城（城城）今日（12日）在TVB週刊品牌大獎頒獎典禮中奪得「最強人氣廣告天王」寶座，笑言自己身為愛車之人竟然從來沒有做過汽車代言人，希望有朝一日能有為喜歡的跑車品牌拍廣告。有小朋友後會不會考慮做嬰兒用品代言人？城城說：「暫時未有客戶咁大膽搵我做代言人，但我會願意去接受挑戰。（如果係一家人咁拍廣告呢？）我囡囡咁細，唔好啦。」

冼拿紀念​限量跑車入手

最近城城新買了一部全球限量500部的跑車，更為他專門噴上「arontone」的車身顏色，他笑言其實自己買車一向很低調：「呢部車係紀念冼拿嘅，係一個我好鍾意嘅賽車手，雖然佢好多年前因為一次意外咁就走咗，但冼拿呢個標誌係冇人可以代替到。」他坦言自己收藏很多跑車，希望可以有一日可以開展覽籌款幫助有需要的人。

轉攻家庭車

一向喜愛收藏跑車的城城，會不會考慮入手以實用性行先的車輛？他表示：「而家呢一刻我係主攻家庭車嘅！已經主攻咗啦！所以可以爸爸揸車同家人小朋友出街，因為而家小朋友都好鍾意見呢個世界、睇好多唔同嘅新事物。」