方力申6年前專輯登2018頭100名唱片　預告拍片自彈自唱

方力申（Alex）今日（11日）擔任運動品牌開幕禮嘉賓，除了喜歡游水，平時非常熱愛看NBA籃球賽的他表示想在下年農曆新年到美國看籃球明星賽：「2019年嘅明星賽喺Charlotte（美國夏洛特）打，我偶像Michael Jordan（米高佐敦）系班主嚟㗎嘛！所以佢一定會喺現場出現，我好希望可以近少少咁見到佢！」

熱愛運動的Alex表示自己私下比較喜歡穿著輕便服飾，所以衣櫃裏超過一半都是運動衫。（陳順禎攝）

天氣越來越凍，Alex笑稱自己的游水學生間中都會「投訴」太凍，他會跟他們解釋：「冬天點解唔可以游水呢？你千祈唔可以停添啊！一停咗夏天就唔識遊㗎喇，仲會嘥多啲錢學！」他說當覺得在水上覺得凍，其實水入面更暖，因為現時游泳池大多都是恆温，而且亦可以選擇穿有保暖功能的泳衣。

多年沒有出碟的Alex最近憑住2012年推出的《十分。愛精選》成為Apple Music 2018年的Top100唱片，證明香港人一直以來都非常支持他的音樂作品，會不會再有機會出新歌？「雖然我無出新嘅專輯或者新嘅歌，但繫好多時候工作上嘅表演都會唱嘅，不過都系睇機會啦，暫時我又無公司未必會有新嘅歌，但系網上面有好多媒體都可以，就算自彈自唱，自己拍埋，大家都可以聽到嘅！」他亦提到自己參演了由王祖藍執導的歌舞題材賀歲片，在戲中更會邊唱邊跳，相信到時又能看到Alex唱歌的樣子了！