【感動她77次】與蔡卓妍再續前緣　周柏豪：我今次挽回唔少分數

電影《感動她77次》呢日進行開鏡拜神，戲中主角周柏豪（Pakho）、蔡卓研（Sa），以及來自泰國的Mario Maurer均有出席。阿Sa接受《香港01》訪問時說：「今次係《原諒他77次》嘅一個延續，都係會探討男女之間嘅感情瓜葛。」Pakho：「上一集我係一個好唔長進，又唔成熟嘅男人，而今集就會挽回唔少分數。」

阿Sa稱會拍攝延續篇亦是老闆楊受成的意思：「第一集拍完之後，老闆話成績好好吖，一定要拍第二集。不過由於種種原因，而家終於可以開拍啦。」據照今次《感動她77次》亦是繼續沿用《原諒他77次》製作拍攝，不過今次戲中就多了幾位新面孔，其中之一還有泰國的當紅演員Mario Maurer。今日第一次見面，Pakho就大讚Mario好Nice，而阿Sa就形容Mario「好Cutie」。

阿Sa：「佢（Mario）係幾得意㗎，佢同我講佢好鍾意去旺角，我話：『吓，你去旺角？好多人㗎喎！』佢話：『係吖。』我問：『咁你去旺角做咩吖？』佢話：『買玩具同Figure，我好鍾意玩玩具㗎。』佢好搞笑。