【萬千星輝】雙料視帝袁偉豪「賣甩」張寶兒 銅鑼灣密會高Ling？
本地電視界年度壓軸盛事，由無綫電視舉辦的《萬千星輝頒獎典禮2018》將於周日（16／12）舉行，新一屆視帝視后屆時將會誕生。論今屆大熱，視后之爭似乎是《三個女人一個「因」》的黃智雯以及《BB來了》的李佳芯，至於視帝，很多人認為已是張衛健的囊中物，事實上頭幾集的《大帥哥》有如他的個人表演，名副其實一個人撐起一套劇，不過2016年憑《城寨英雄》上位的袁偉豪亦不容忽視，事關他早前在《萬千星輝賀台慶》當晚，已跟黃智雯一起成為「雙料」視帝視后，成為「馬來西亞最喜愛TVB男、女主角」以及「新加坡最喜愛TVB男、女主角」，如果觀眾心水清，必定記得袁偉豪的女朋友張寶兒得知他連奪兩獎後，忍不住連講幾句大讚男友：「你好叻呀！」，但面對張衛健這位大師兄，就算真的失掉今屆視帝，亦雖敗猶榮。
事業、愛情兩得意，袁偉豪坦言感激家人支持，當晚得獎後他向記者說：「一定要搵埋屋企人食吓飯先啦，我屋企人好支持我！」講到明是「屋企人」，在袁偉豪眼中，又怎少得他的「My Love」張寶兒？不過，日前有讀者向《香港01》「報料」，指親眼見到袁偉豪竟然「賣甩」張寶兒，跟另一位女伴經常出入銅鑼灣時代廣場食通天多家食肆撐枱腳，叫滿一桌美酒佳餚，有傾有講，開懷大嚼，好不高興！更「過份」的是，報料者指自己曾目擊二人「打情罵俏」，女的搔首弄姿，笑意盈盈，男的更主動餵對方吃東西、抹嘴仔，狀甚親密。而這位「密會對象」，竟然是近年演技愈見進步的無綫上位花旦「高Ling」高海寧？報料者拍下「獨家片段」，今日《香港01》搶先為大家公開。究竟真相係點？
一睇條片，我完全明白了！一切只因太為食！其實這是由袁偉豪、高海寧聯合主演的時代廣場食通天微電影《愛情 心心機》，他們飾演剛剛開始拍拖的情侶，去到食通天多間餐廳約會，有中菜，有西餐，由火鍋到甜品，藉著互相試探、各種機心過招，務求向對方表現自己最好的一面，他們落力演出，完美展現情侶熱戀打情罵俏的畫面。愛情是切磋，也是琢磨；為愛情多想一步的機心，其實也是一種為愛人付出的心機。想睇足本版微電影，可以Click入這條YouTube連結。