曾試過壓力爆煲導致情緒受影響　李佳芯：入行頭幾年壓力最大！

李芯佳（Ali）今早出席行山活動，與十多位粉絲做運動，期間大會特別頒贈「身心健康最佳女主角」模型獎座給她，預祝Ali在即將舉行的台慶頒獎禮旗開得勝奪「視后」，令Ali大為驚喜！

提到行山，Ali表示自入行後經常行山做運動：「今日呢個行山活動好有意義，可以令人了解情緒健康嘅重要性。我好認同，因為我每次見到個天同個海，感覺就會冇晒煩腦，大自然接觸嘅喜悅係凌駕一切辛苦。以前我會騎馬、潛水、攀石，但呢幾年入咗行冇咁多時間去騎馬，所以行多咗山。（行山覺唔覺得辛苦？）鍾意就唔會覺得辛苦，但我都怕曬，唯有搽多啲防曬。」

提到娛樂圈工作忙碌，難免生活壓力較大，Ali亦透露試過拍喊戲之後，情緒低落難以抽離，她謂：「其實都過咗壓力最大嘅時候，入行頭幾年壓力最大，因為我本身對自己要求好高，而且又唔知點釋放啲負面情緒，搞到啲皮膚、健康、精神都好差，所以我會去正視呢個問題。」台慶頒獎禮舉行在即，被喻為「視后」大熱的Ali就表示現時壓力未算最大，通常都是坐在台上那一刻才會緊張。