陳曉華聖誕party收檸檬茶中大伏：一飲係豉油嚟嘅！好過份
撰文：趙允琳
出版：更新：
陳曉華（Hera）今日（9日）出席為腦退化症病人籌款的慈善義賣活動開幕禮，做過見習護士的她表示由於之前在醫院經常面對老人家，曾經閱讀過一本腦退化症病人的自傳而對這個病有更深了解。
Hera昨日（8日）聯同三位應屆港姐鄧卓殷、李芷晴及陳苑澄在《歡樂滿東華》上表演高難度的「繩上操」贏得觀眾掌聲，她稱其實當時才第一次成功做到：「其實都有好多時忍唔住喊，好驚自己受咗傷之後做得更加差，同埋我喺表演之前無一次係成功順利做過一個完整嘅版本，但表演嗰吓又真係做到，所以我哋四個（做完之後）都忍唔住喊！」她笑稱雖然自己在練習時多次受傷要看跌打，而且又大病了一場，但家人對她的表演都充滿信心，覺得她一定做得到。
聖誕將至，有沒有被男士相約一起看燈飾？Hera笑稱自己是「女兒國」出身：「我中學到大學讀嗰啲科都係女仔，我比較多女仔朋友，一大班朋友約出嚟食飯都好開心。」她透露聖誕節會與藝員訓練班的同學們交換禮物，現正密謀找一份實用的禮物給對方。（有沒有收過很垃圾的禮物？）「有啊！有一次聖誕party收過一盒檸檬茶，我收到好開心，點知一飲係豉油嚟嘅！好過份，哈哈！」