吳偉豪想與「安仔」周嘉洛繼續hehe：最緊要滿足到觀眾！

「朱凌凌」吳偉豪（Ricco）昨日（6日）出席朱古力品牌活動，親手製作聖誕朱古力，看起來都有板有眼，原來Ricco都有間中整甜品，例如Brownie、Cupcake等等。他稱自己最拿手就是煎牛扒：「如果有塊靚扒嘅話，我應該都會煎得唔錯！」他笑指自己不愛洗碗，所以不想炮製完一大枱聖誕大餐後要「洗一大餐」，還是跟家人外出食飯會更好。

日前在《愛．回家之開心速遞》與周嘉洛飾演的金成安上演了讓不少網民大呼養眼的「hehe」戲碼，Ricco坦言拍攝時好尷尬：「係超尷尬！但係出嚟都好笑嘅，都好開心，最緊要滿足到觀眾！」網民反應非常熱烈，似乎很想繼續讓朱凌凌和安仔這對CP繼續有多點戲份，他笑言絕對歡迎再與周嘉洛「情侶檔」合作：「我梗係唔會拒絕啦！因為都好開心嘅可以同佢一齊拍，始終我哋同期訓練班，都好清楚大家，而且一齊做戲都好順暢！」相信《愛．回家》的粉絲們應該好快就能再看到朱凌凌和安仔兩位「情侶檔」拍住上！