黃翠如愛冒險！ 澳洲之旅險與蕭正楠失聯

黃翠如今日（6日）以深色頭髮全新造型出席活動，她說自己已經五年沒有染過深色頭髮，今次的轉變原來是為了新劇：「其實未定個造型要係點，不過我自己睇完個劇本覺得應該要實淨啲，所以就染黑。」

翠如最近去了澳洲自駕遊，提到自己喜歡冒險，所以完全沒有事先規劃過行程，連酒店住宿都是當天才決定，更在澳洲體驗了在郊外沖涼的經歷：「個感覺好得意，一路沖涼一路淋水，仲望到天空上面嘅星星，呢種感覺好浪漫！」

她亦表示去了很多深山地區完全沒有網絡，連向身在香港的男友蕭正楠「報平安」都有困難：「我去咗一家人嘅屋企，得好僅餘嘅data，我一send咗都未睇到佢覆，我就話『我今晚收唔到㗎啦，聽日先再搵你啦！』」

好友洪永城昨日（5日）生日，翠如送了一棵菜給他做生日禮物，寓意他能早日找到自己的「一棵菜」。（有無介紹女仔畀佢識？）「我梗係唔介紹畀佢識啦！佢好清楚自己鐘意咩㗎，從來都唔需要人介紹！」