裕美老公Jason「被離婚」拍片反擊：黃生麻煩你出來承認
撰文：陳浩賢
出版：更新：
手機APP用戶，觀看影片請按此。
日前裕美被指背夫跟無綫藝人黃子恆過從甚密，二人更被拍得到街市買餸，並上了男方寓所。事件曝光後，裕美回應指只是跟大班朋友上黃子恆家中食飯，其間自爆已回復單身半年，而且正辦理離婚手續，並強調不涉及第三者。
裕美其後在社交網站自拍短片，表示自己在2014年底，跟老公林恩浩（Jason）發生了一些不愉快的事，為挽救婚姻，曾找過婚姻輔導員，但盡了力也未能挽救。裕美聲淚俱下，講述婚姻破裂的慘況，但在翌日卻有疑似裕美跟第三者的情慾對話流出，而且內容非常大膽露骨，令她離婚一事疑雲陣陣。
裕美老公Jason在凌晨時分，在社交網站拍片反擊，更驚爆他原來是「被離婚」，Jason在片中透露：「對於連日嚟嘅報道，我想同我嘅朋友同家人講聲對唔住，我唔係公眾人物，係事件發生嘅時候，我唔識得處理，我唔識得任何PR或者語言藝術，我並冇收過自己即將離婚，或者搞緊離婚，我自己聽到都好愕然，我請所有我所謂嘅朋友，你哋唔好再放料喇，我聽好多人講裕美，呢幾日病咗或者發燒，請你哋放過佢，俾啲空間佢，放過大家，拜託。」
Jason跟裕美雖然婚姻破裂，但言談間仍然極力保護裕美，但對於傳聞中的第三者黃子恆，他卻表現得十分激動，「我係一個男人，我會出嚟承擔，黃生，如果你真係鍾意裕美嘅話，麻煩你出嚟承認，唔好俾裕美一個人受千夫所指，裕美其實係好單純嘅，請大家保護佢，唔好再落井下石。」HK01記者曾多次致電黃子恆，但對方卻一直未有回應。