苗僑偉囡囡苗彤唔排除拍港劇 ：如果有機會會考慮

三哥囡囡苗彤（Phoebe）今日（5/12）同爸爸苗僑偉一齊出席活動，長駐加拿大嘅Phoebe難得返嚟香港一個月，嚟緊去台灣，為一間澳洲公司拍攝旅遊節目。

本身係攝影師嘅Phoebe，掌鏡嘅同時亦係演員同model，唔知佢有冇興趣返嚟香港發展？「暫時冇呢個打算，因為都冇打算返香港住，因為都係想留喺加拿大，所以都係喺嗰邊做嘢方便。（TVB有冇邀請你拍劇？）如果有好嘅機會都會考慮，但暫時未有。」

三哥係公認嘅型男，3歲少女至80歲阿婆都係佢fans，問到Phoebe會唔會想同老竇拍劇，佢就話興趣唔大，「冇特別想同佢合作，因為公還公，私還私，佢係受歡迎，但佢係我daddy，唔一樣。」