【後生仔傾吓偈】馮盈盈18歲唔止收HERMÈS袋：另一份禮物仲癲

最今一集《後生仔傾吓偈》以18歲為題，一眾後生仔除分享自己18歲後「解鎖」事項後，亦有講到18歲時收到嘅生日禮物，馮盈盈好認真咁話18歲父到爸爸所送嘅一份厚禮，仲即席拎出嚟，原來係個綠色嘅HERMÈS Picotin Lock Bag，大概三萬多元，雖然HERMÈS係唔少女士心目中的殿堂級手袋，但FYY收到呢個袋時，第一個反似乎唔係咁開心，並以「顏色好特別、好罕見」呢個作為掩飾。
 

至於點解馮爸爸咁大手筆呢？FYY話爸爸覺得佢大個女，希望「用啲嘢要有taste啲、學識欣賞啲靚嘢。」講到呢度，麥明詩都忍唔住插咀表示：「佢對你係有呢方面教育，但你點解出到嚟係而家咁?」堪稱「大叔系女子」兼MK港姐嘅FYY只能尷尬一笑，更笑言連個袋點用都唔識，所以一直都係放喺屋企，之後仲被6號發現袋入面有吹氣膠袋（令包包不易變形，可惜FYY的袋中袋已漏氣），證明FYY真係極少使用呢份爸爸的禮物。「果陣我真係唔明個袋點解咁貴，但爸爸心態係大個女，要睇靚嘢，準備投入金錢、物質世界。」喺品味放面，雖然FYY都應該幾令爸爸失望，但至少喺眼光方面，佢都叫搵到位富貴醫生男友。

而其實除咗名牌手袋之外，FYY 18歲收過另一份厚禮，佢接受電話訪問時表示：「嗰時好鍾意Super Junior，咁啱又考完DSE，所以屋企人就送咗一個日本演唱會之旅比我，仲同埋我一齊癲，之前喺節目都有提過。其實嗰次好有意義，因為細佬有慢性病，要定時定候食藥，又唔可以去人多的地方，所以出門旅行唔太方便，但嗰次因為我要去癩，所以佢就成為受益者，亦係佢第一次去秋葉原，結果係買咗好多figure、好開心，自此佢就愛上日本，而且淨係識去東京，你話死唔死？咁嗰時都係一個好開心又難忘嘅回憶。」