首與女兒出席活動　苗僑偉願做開通爸爸：唔方便過問仔女感情事

三哥苗僑偉今日（5日）與女兒苗彤（Phoebe) 一齊現身觀塘一個開幕活動，今次是他們兩個第一次父女檔出席活動，非常難得。

三哥最近開通IG，原來係喺囝囝苗俊嘅鼓勵下開嘅，「前排阿仔畢業，我哋喺加拿大一齊食飯嗰時，佢問我做咩唔po吓相上IG，我話無咩好po，佢話一定要po，咁嗰晚就po咗兩張相上IG。」問到未見佢上載三嫂戚美珍嘅相，三哥就話要隆重其事，所以遲啲先po。不過三哥都話始終唔想太注重社交網絡，成日要拎住手機。

三哥同一對仔女分隔兩地，問到會唔會都關心佢哋嘅感情生活，三哥腼腆一笑，說：「間唔中會好婉轉咁問，唔會好直接問，父母都唔係咁方便過問，最緊要開心。（會唔會教阿女揀男仔？）我唔識教㗎，不過佢哋細個我有教佢哋多啲選擇。」