吳若希唔怕連詩雅威脅「一姐」地位：我哋唔同市場

連詩雅（Shiga）今天（4日）強勢加盟星夢娛樂，公司一眾歌手也有出席記者會撐場，包括吳若希（Jinny）、菊梓喬（Hana）及伍富橋等。Shiga亦立即賣口乖叫各位做師兄，師姐，對於被稱呼師姐，吳若希表示已經習慣了：「當周柏豪都叫我做師姐我就無所謂，但其實我想講我老闆都係叫我阿妹，阿妹，我都係當自己妹妹，然後我只係加入公司資歷比較長而已，但我同Shiga係同一年出道。」

身為《星夢娛樂》一姐的吳若希，會否覺得Shiga的加入威脅到她的地位？Jinny則很禮讓地說「一姐」由Shiga去做就好：「我呢啲妹妹嚟，其實無威脅，因為我同佢市場唔同，我市場係幼兒，Fans係BB，希望每一個BB都鍾意我，所以其他包括宅男或單身人士留畀佢，其實唱歌聲線我哋都唔同，唔擔心。」

至於甚為「得寵」的菊梓橋，則表示公司是沒有爭奪「一姐」的地位事情發生：「大家都係做自己，無呢啲嘢，我都覺得佢係好Sweet嘅一個女仔，我從來都唔驚，我成日覺得我比較與世無爭，希望大家都和和平平，係好事嚟，公司有咁多優秀嘅人，百花齊放。」