李麗珊與圈外男友沖繩閃婚　李爸爸雙眼通紅：即時眼淚鼻水一齊流

緣份將兩個人拉近，然後決定攜手度過下半生，中間了解嘅過程可以係十年八載，又或者好短時間已經足夠。香港開電視藝人李麗珊（Lisa）上周六於親友見證及祝褔下，與圈外男友於日本沖繩舉行婚禮。Lisa早前曾表示雖然與男友拍拖不久，但在對的時間遇上對的人，故有閃婚的決定，望大家送上祝福。

見到Lisa分享嘅婚禮照片，其丈夫樣貌都無曝光，但見到Lisa嘅幸福笑容，就知佢絕對無嫁錯人。「行禮當日，一切都好似睇戲咁，只係自己做主角。行禮前進行綵排，本以為一切好順利。點知正式行禮時，撓住爸爸慢慢步入教堂，喺爸爸將我隻手交俾未婚夫嗰一刻，見到爸爸雙眼通紅，眼淚快流出來。我即時『中箭』，眼淚鼻水一齊流出來……嗰一刻可以話係人生中最感動嘅畫面，眼淚自動流下來，強忍都搞唔掂。」Lisa更表示直到現在重看行禮片段都會忍不住淚水，原來真的會好不捨得父母。

新婚後Lisa要開始學習做人妻，佢話因為一直都係同父母一齊住，需要時間適應。現在要學習好好照顧對方，建立一個家庭，認為是好大的學問。完成婚禮及手上工作後，Lisa隨即與丈夫出發度蜜月。