【兄弟】朱晨麗不公開追求者名單 害怕「斷米路」
撰文：賴家杰
出版：更新：
朱晨麗今天（2日）出席 TVB台慶劇《兄弟》的宣傳活動，活動完結時一眾演員推了一個蛋糕出來，原來今天是朱晨麗的正日生日，一眾女演員現場也送了親吻給她，可惜朱朱笑言她是喜歡男生的。
朱朱透露幾乎每年生日也是工作中渡過，今年也不例外，「入行之後都返工渡過，今年算好少少、輕鬆啲，又可以玩下，之前都係廠裡面。」朱朱揚言在等待別人約她慶祝生日，提到「好朋友」何廣沛有表示沒有？「佢呀...你哋問佢啦，咁佢都有send短訊畀我，佢可能唔敢約我，你哋唔好嚇親人，唔單係佢，搞到所有男性都唔敢約我，我好似封咗盤咁。」
朱朱亦不忘呼籲追求者們要勇敢一些：「依家年代係咪男生比較被動，我係一個傳統女生，我覺得呢方面男生要主動。」不過朱朱直言是有男生追求，至於能否公開追求對象，「邊個追我，唔透露得住，咁樣咪斷自己米路？不過我都係想組織家庭。」