莊思敏（Jacquelin）今日出席台灣驚慄電影《紅衣小女孩外傳：人面魚》首映禮，並擔任主持，在台上大讚電影導演莊絢維年輕有為，唔知導演係咪Jacquelin杯茶呢？

莊思敏今日為電影首映擔任MC。（吳宇峰攝）

之前森美在電台開咪教男仔點追女仔，其中一招就係帶佢去睇恐怖片，問到Jacquelin有冇追求者約過佢去睇驚慄片，佢就話自己喺感情方面比較遲鈍，「唔會特別諗佢係咪追求者，因為同異性行街睇戲食飯都好平常。」不過Jacquelin不諱言同異性去睇恐怖片，容易因為太驚而多啲身體接觸。

Jacquelin指睇鬼片期間，雖然容易同異性有身體接觸，但行出戲院大家就會若無其事。（吳宇峰攝）

Jacquelin指以前好鐘意睇驚慄片，不過睇完獨處時好易疑神疑鬼，「所以有幾年停咗睇恐怖片，但近年都開始睇返，因為人大咗，心態唔同咗，『平生不做虧心事，半夜敲門心不驚』嘛！」

莊思敏人愈大愈唔驚睇鬼片：因為我冇做虧心事！