胡㻗同劉穎鏇傳緋聞　心痛女方被負面標籤

羅天宇細佬胡㻗早前被雜誌影到同劉穎鏇（Tiffany) 在車廂密會，更以「車震」形容當時情況，女方早前接受傳媒訪問，否認戀情，更一度因報道用字太負面而委屈落淚。胡㻗今日孖阿哥羅天宇一齊出席活動，回應緋聞。

胡㻗指與Tiffany只是好朋友，「希望呢件事唔好影響到佢，下次會小心啲，無諗過兩個人去呢啲偏僻嘅地方會惹人誤會。」胡㻗更說有為這件事失眠了幾晚，見到Tiffany喊，都有安慰對方，認為「車震」這個字眼對一個女孩子來說影響好大。

雖然當事人否認戀情，但談及有冇機會發展，之前Tiffany回應傳媒時，已經開晒綠燈話唔排除拍拖嘅可能性，胡㻗亦大讚對方係好好嘅女仔，大家鬼鬼地又啱咀形，不過目前大家都以事業為重。咁大家都畀啲空間佢哋發展啦。

而阿哥羅天宇就話自己感情無著落，依家畀心機搵錢，希望出年合全家人之力，一齊上車，有個安樂窩。