【是咁的，法官閣下】黃智賢拍親密戲係懲罰：唔好再叫我除衫啦！

黃智賢（Ben）、關禮傑、王君馨（Grace）及一眾劇中演員今日（28日）到中環街頭出席劇集宣傳活動，昨日播出的一集講到Ben飾演的范大狀和前女友Icy二人纏綿戲令Grace睇到眼火爆：「今朝敷緊mask睇緊琴日嗰集，佢求婚嗰吓嗰種浪漫，我好想打爆個電視！」

Ben笑言拍床上戲令他很尷尬，希望監製們能「高抬貴手」：「唔好再叫我除衫啦！你咁懲罰我唔好啊！我個人好保守㗎！有網民問『你使咗幾多錢啊，有個靚女畀你攬！』嘩唔係啊，我就係無使錢所以先畀導演同監製整蠱我！」

他們認為劇中二人的關係能帶給大家的反思，如果關係建基得不好就閃婚，結局只會走向離婚這一步。Grace大讚關禮傑飾演的James是一百分好男人，現實中真的有這種男人嗎？Grace想也不用想：「我老公囉！」連訪問也不忘放閃，Grace真是幸福滿瀉。