【多圖】葉玉卿囡囡胡芷欣大曬最強body 　回眸一笑有女神 feel

作為星二代往往會因為父母之名而備受關注，近期人氣最勁的要算是木村拓哉同工藤靜香的細女木村光希，而香港方面的一班星二代都好高質㗎，大部分都遺傳了星爸星媽的優良遺傳，葉玉卿囡囡胡芷欣 (Victoria) 就是其中一個喇。早已移居美國的葉玉卿曾經是香港一代性感女神，其樣靚身材正的強大基因就完美傳給了囡囡Victoria。Victoria被封為最強的星二代之一，她的索爆指數甚至比媽咪有過之而無不及。

現年19歲的Victoria個樣似足媽咪後生時咁靚女，笑容甜美，身材更加是fit到暈，是真係會令人暈晒大浪那種。而自幼於美國長大的Victoria性格比較鬼妹仔，毫不吝嗇她的美好身材，不時於IG post比堅尼水着靚相同大家開心share，迷倒一眾網民。呢日Victoria就post了兩張新相，騷靚背以及背面的誘人body shape，玲瓏浮凸的曲線體態美盡現，加上曬得一身健康蜜糖古銅膚色，望落更加火辣。相中的Victoria仲要回眸一笑，真係迷死人喇。網民紛紛留言大讚她索爆，又話她媽咪強大基因的重要性。

一齊睇下Victoria喺ig post嘅迷人靚相啦！