【兄弟姊妹去旅行】胡定欣姚子羚突破界限：未試過同男同事浸溫泉

胡定欣、姚子羚、蕭正楠及曹永廉今天（27日）出席《兄弟姊妹去旅行》的記者招待會，看完了記招的預告片段子羚表示立即想起拍攝的日子：「其實都辛苦，原來拍得真係好辛苦，拍攝時間好長，都唔知下一次會係幾時再一齊去。」

預告片段中也有四人一起浸溫泉，定欣表示其實幾突破：「今次兩男兩女浸溫泉，拍之前大家都諗女仔著咩好，著泳衣定包毛巾好，其實呢個位男仔尷尬過女仔，因我地拍攝期間係咁整條毛巾，不過都Ok，真係最緊要靚，瑞士真係無得輸。」

最近傳出子羚舊愛鄭子邦搭上湯洛雯，子羚大方回應：「咁其實佢哋二人有同我溝通過，咁大家都分開咗，同埋我哋二人關係都好好，我同邦仲係好好朋友，我同阿湯係同一個經理人，我當佢細妹，佢哋都回應咗就可以。」