菊梓喬憂入圍七首歌得獎機會低　呼籲粉絲集中投《但願人長久》

歌手菊梓喬（Hana）昨晚（25日）出席《勁歌金曲優秀選第二回》，憑《但願人長久》、《只想與你在一起》及《從未說起》三首歌連奪三獎。Hana表示《但願人長久》雖然是翻唱自盧冠廷的原名歌曲，但這首歌一直對她來說比其他歌更別具意義。

她覺得這首歌能安慰她的心靈，讓她從絕望中振作，憶述時更一度哽咽：「我覺得自己做唔到，或者生活上好多嘢好辛苦，同好多香港人一樣。但係我聽呢首歌就覺得人嘅一生好快過去，其實辛苦都並唔係咁辛苦。其實我哋好渺小，成日都將唔開心放到好大，無好好享受自己嘅人生。」

Hana共有七首劇集歌曲入圍《萬千星輝頒獎典禮2018》的「最受歡迎電視歌曲」，她笑稱對有七首歌被提名其實對她頗不利的，因為票數會被分散。 （最想大家投邊首？）Hana直言：「最近真係《但願人長久》，因為呢首歌好特別，雖然唔係自己嘅原創歌，我希望可以將呢首歌嘅意義同信念帶畀更多人。」她在此亦向所有粉絲呼籲要團結一致：「希望大家可以集中火力唔好分散投！」