【萬千星輝】視帝寶座志在必得？ 馬德鐘：希望有零的突破！
撰文：賴家杰
出版：更新：
馬德鐘（Joe）憑《跳躍生命線》角色麥在田於《萬千星輝頒獎典禮2018》獲提名「最佳男主角」。今天（23日）出席提名名單公布會時，一眾視帝候選人均說馬德鐘是最大競爭對手。馬德鐘接受《香港01》訪問時笑言是同事給面子：「我一路對獎項其實都冇乜緣份，都冇攞過獎，今次有份演呢個角色，相信觀眾都鍾意呢個角色。有得提名好開心，最開心觀眾支持《跳躍生命線》，令到收視都好好，加上再有提名，非常開心。」
覺得自己會拎到獎？馬德鐘直言從來沒有想過會得到：「我覺得係TVB做到男主角已經係一件唔簡單嘅事，有份提名嘅人都有佢哋嘅實力，所以我冇諗過有冇獎項，我覺得交畀老天爺決定。」雖說他指自己從來都與獎項沒有緣份，但也在接受訪問時為自己拉票：「我都同大家講我從來冇拎過獎，咁都希望今年有零的突破。」
提到TVB以往頒發獎項，多數會頒發給「親生仔」（經理人合約藝員），非「親生仔」的得獎機會甚微，馬德鐘即說：「只係外間傳言，感該都唔擔心。」看來他這次對於「最佳男主角」獎項是志在必得。
【萬千星輝】胡楓獲提名「最佳男配角」 好開心：我真係做得唔錯【萬千星輝】黎諾懿被袁偉豪奪星馬視帝嚇窒 自覺屬陪跑分子【萬千星輝】送水輝向大小姐講愛的宣言 ：佢係我心中嘅最佳女配【萬千星輝】胡說八道有料爆？ 呢個人成為黃智雯封后關鍵【萬千星輝】黃智雯落淚答謝姊妹 獲杏兒定欣傳授「視后心經」【萬千星輝】馮盈盈獲五項提名 冇預攞獎：當晚都係做星級觀眾【萬千星輝】麥明詩初戰視后自覺無地自容：我配唔起個獎！【萬千星輝】頒獎禮提名名單公布 張衛健勢稱帝 Ali惡鬥黃智雯