【兄弟】愈打愈勇？王浩信新劇挑戰近身搏擊

王浩信今日（22日）帶領一眾TVB劇集《兄弟》演員包括楊明、伍允龍、劉穎鏇及江嘉敏等到拳館為劇集宣傳。他在台上除了大騷16.5吋粗的手臂外，被大爆拍攝前全身被陳志健用十指搽滿BB油。浩信笑稱此舉是為了拍攝時有更好的燈光效果：「嗰場戲都拍咗9個鐘，所以啲BB油3、4個字都已經吸引咗落皮膚，而且又無水飲個人好乾，所以都一路搽一路吸收，拍完最油淋淋就唔係我哋，反而係啲衫！」

浩信今日帶傷出席活動，原來是最近拍攝有眾多近身搏擊的《解決師》時弄傷，令右手傷至連握拳也有困難。他稱比起拍攝《兄弟》時更困難：「好多嘢都會埋身啲啦，用手踭、同用更短時間就可以致命嘅一啲動作，所以相對地危險性會高啲，所以受傷嘅機會都大啲。」

《兄弟》現時播至第二個星期，有沒有留意網民的評價？他指一部劇有人喜歡的同時，也難免會有人批評：「一套劇集好難去迎合哂所有人嘅口味，好與唔好我都好多謝大家，當然我哋都有進步嘅空間嘅。」他指目前收視理想，稍後的劇情會愈來愈直接，愈來愈多迷底亦會被揭開，希望觀眾能繼續支持。