《大帥哥》場場重頭戲　蔡思貝讚張衛健好大功勞：化腐朽為神奇

TVB戲集《大帥哥》下月開播，一眾劇中演員今日（21日）出席記者會。首次拍民初劇的蔡思貝表示最大的挑戰在於咬文嚼字：「初初拍嘅時候好躊躇，古裝就再字正腔圓啲啦，但民初要點拿捏個中間位呢？所以初頭拿捏劇本對白都苦惱咗一排，初時讀對白好似讀書面語咁，但係之後就慢慢tune返，可能你會覺得有啲戲『咦？突然之間咁文縐縐嘅？』就係因為咁。」

首次與張衛健這位大前輩合作，思貝直言好有壓力，但同時亦在他身上獲益良多：「佢可以將場場戲都變成重頭戲，將場場大大小小嘅戲都可以化腐朽為神奇變得每一場都咁好睇！」她更大爆劇中演員第一次見到張衛健時不斷「拋書包」大講金句，馬上就跟他拉近關係。（你識邊句？）她笑說：「唔好獻醜！」