【多圖】湯洛雯被指暗撻姚子羚有米舊愛鄭子邦：總之係好朋友

31歲的湯洛雯（靚湯）自從今年3月宣布與拍拖4年多的羅天宇分手後，就回復了單身，至今一直未有拍拖的消息，她亦對外表示自己仍未有男朋友。不過最近就有報道指靚湯原來已經秘密暗撻姚子羚的舊愛，身家過億的富豪鄭子邦。有讀者爆料兼影到靚湯同鄭子邦於皮草太子爺王大業Andy的生日派對上表現親暱，且不時有身體接觸。

當晚靚湯穿上迷你裙大騷一對美腿，相當養眼，同場的靚女還有陳靜、龔嘉欣、周汶錡、莊思敏以及莊思明等。而靚湯就與鄭子邦最玩得埋，全晚都好好傾，又經常好似孖公仔咁走在一起，期間鄭子邦更用背脊貼住靚湯身前，挨實靚湯並從後伸手摸靚湯的大髀。而靚湯被摸後亦完全沒有表現抗拒，反而好受落，又用手扶住對方條腰，兩人的舉動儼如一對熱戀中的情侶。

湯洛雯接受《香港01》電話訪問時，被問到是否與鄭子邦拍拖，又可有發展的可能？她表示：「唔係呀，有朋友生日所以成班朋友去慶祝。總之都是好朋友，好感激大家咁關心我嘅感情生活，不過我依家真係單身呀，工作亦好開心，如果將來有好消息我一定會同大家分享。」

一齊睇下靚湯有幾索啦，又睇下佢同鄭子邦襯唔襯。