楊千嬅不反對兒子以K-Pop偶像為目標：小朋友需要自由發展

楊千嬅今天（19日）出席梁詠琪（Gigi）的童裝店開幕活動，千嬅表示與Gigi相識多年當然要來支持：「我好鍾意童裝，你知道我呢啲做阿媽最鍾意買嘢畀小朋友，都幾瘋癲，佢呢到嘅質料都好好，佢開張我都好開心，因為我知佢兩夫婦都籌備咗好耐，作為父母佢哋對生活都好有目標，見佢哋都好sweet。」

提及做生意方面千嬅說還是交由老公丁子高負責：「我數學由小學開始已經好差，差到一個點，數字概念好差，所以做唔到生意，叫我做時裝一係自己鍾意一係兒子鍾意，咁樣好唔大眾化，所以都係唔好做。」

早前千嬅在內地節目透露兒子很喜歡聽K-Pop，千嬅笑言：「係佢介紹GOT7畀我聽，然後佢話8月出首歌都係佢講我知，可能學校音樂文化交流，佢嘅文化係前過我。」千嬅透露兒子一早認識了GOT7中的成員Jackson，也不反對兒子將來以韓星為目標，「佢鍾意音樂，我唔會反對佢做任何事，我覺得小朋友需要自由發展，去到呢知年代已經唔係以前會好嚴厲，但基本學業佢要處理得到。」