黃德斌曾經想轉行唔做演員：不過轉唔到，啲人認得我覺得我做唔長

做藝人好多時都是表面風光，背後的辛酸真是不為人知的，黃德斌入行多年拍過無數電視劇集以及最近的電影《逆流大叔》，曾經因為無工開無收入，而要捱窮，仲要是窮到連一日三餐都成問題的，無錢開飯。德斌今日出席有關對抗逆境的活動時，就笑言自己開工時經常遇到逆境，不過工作上最大的逆境，尤其是作為藝人，當然是無工開啦！

德斌坦言曾經歷過事業低潮期：「做演員，成日會擔心冇工開，以前自己都會好擔心，係呢幾年開始穩定返。」面對零收入的時候，當然也有想過放棄做演員了，他說：「演員係被動嘅，梗係有諗過放棄啦，身邊朋友都會主動介紹兼職畀我，有試過轉行，不過轉唔到，因為人哋認得我，見工時啲老闆會話：『依家環境唔好，遲啲市道好返，你會唔會返返去拍嘢？』佢哋對我信任唔大，覺得我唔會做得耐。」

而德斌最窮的日子，竟然是一日只食得一餐，而且只係一個包！他說：「試過一日淨係買一個漢堡飽夜晚食，仲會不停灌水飲 (增加飽肚嘅感覺)，又會喺公司搵啲嘢沖嘢飲。」他有問過自己到底是否鍾意做演藝呢個行業，是鍾意就要繼續堅持下去，又謂當年是因為走投無路才重返無綫拍劇：「雖然再返去人工亦唔係太高，但勝在產量多，所以我好多謝TVB。其實都有諗過轉做幕後，但我唔識『吹水』，所以都係做返演員。」

德斌近年的工作量已比較穩定，拍劇拍電影之餘，仲不時出席活動同大家見面。