吳卓羲不解馬國明變另一個人 　「幽默風趣咗」

吳卓羲（Ron）今天（15日）出席電影《翠絲》首映禮活動，電影中主角是姜皓文，Ron說到姜皓文是他偶像，所以今天一定要來支持：「佢係我一個好鍾意嘅演員，同佢拍完《拆彈專家》，我同佢傾偈後，發現佢係一個好優質嘅演員，佢好值得我跟佢去學習。」

電影中姜皓文是需要去打扮成一名女生，Ron笑言其實自己也想挑戰一下：「無人搵我，黑哥（姜皓文）咁佢反差大嘛，睇到黑哥一個咁黑咁man嘅人著魚網絲襪，喺喜劇世界通常都係青靚白淨去做呢類型角色嘛，佢搵黑哥我覺得又啱，因為反差大，觀眾會共嗚。」

黃宗澤最近為《飛虎》飛到英國取景，所以Ron趁著這幾天好好休息，「呢幾日都係維修屋企，維修汽車，當然叫人整。」RON透露太久沒有跟馬國明拍劇，指他好像變了另一個人，「之前同佢開工見到佢，同佢講你靚仔咗咁多嘅？同埋佢人開朗咗又幽默風趣咗，唔知咩事呢？你知唔知？（拍拖囉）我唔知呀，我都係報紙，雜誌見到。」