陳凱琳榮升老婆做「管家」 　鄭嘉穎：成個家都係佢管！

鄭嘉穎今天（15日）與古天樂一同出席電鬚刨品牌活動，在訪問提到太太陳凱琳會幫他剃鬚的事，嘉穎笑言叫大家不要看電影太多：「我諗冇一個老婆會幫老公剃鬚，通常呢啲粗重嘢都係自己嚟。」而在活動期間，嘉穎在台上透露，結婚後最期待的，就是太太晚上煮甚麼菜式，「其實請咗一個Helper，多數佢煮，但Garce會主管食咩餸，管理啲錢點用，總之係管家，成個家都係佢管囉，佢間中有親自下廚，我當然話OK、幾好，（廚藝）當然有進步空間，不過都好㗎喇。」

早前太太首次拍電影《起底組》，嘉穎表示已經進了戲院支持她：「我覺得第一次拍電影已經非常好，已經好好，當然有進步空間，收貨㗎喇。」戲中太太也有說粗口，嘉穎笑言這算不上是什麼：「你喺條街聽到嘅都勁十倍，你覺得好粗（俗）咩？」