【學是學非】劉穎鏇被指同胡㻗車廂密會：只喺車上面傾偈
撰文：賴家杰
出版：更新：
劉穎鏇（Tiffany）近日被拍到與羅天宇細佬胡㻗車上密會被撞破，今天（14日）Tiffany在拍攝完《學事學非》後接受訪問表示相當委屈：「真係估唔到，我都係琴晚出咗報道，有人Send畀我先知道，其實嗰個moment真係我啱啱食完飯講走，然後佢問我都係返將軍澳，真係順便車我。」
「一個女仔聽到呢件事，我而家都唔知點解，而我唔相信，點解呢件事會寫到咁樣，（點解會耷低咗頭？）我未試過咁驚，嗰個moment真係兩個人坐咗喺度傾緊偈，突然有一個人行喺前面，無端端開始閃（記者的相機），佢部cam好光，我好驚，第一反應我唔知佢係咩人，咁我唯有係耷低，但我冇諗過係記者或者咩人....我只係驚，咁就......。」
但在報道上提及到「車震」，Tiffany表示這兩個宇今天才知道是什麼意思：「咁我依家知道點解，我唔明白點解可以有呢一個標籤，雖然我哋兩個係喺架車上面傾偈，完全唔明白有呢一個標籤。」Tiffany現在心情也受到「車震」兩字受到傷害，「作為一個女生聽到呢件事，我到依家都唔明原因，我唔相信呢件事寫到咁。」
除了「車震」，Tiffany更被指「頭部消失了」，Tiffany解釋：「我真係未試過咁驚，嗰個時候兩個人坐係到傾緊偈，突然有一個男人無端端走岀嚟部Cam係咁閃，好光，我好驚，我第一反應唔知佢係乜人，然後我蹲下來，無諗過係記者或者乜人，我只係驚，之後產生咗呢一個畫面畀大家影到，我無諗過呢一個動作會令到大家有呢個想法。」Tiffany強調與胡㻗只是好朋友關係，「我覺得大家依家都係新人，其實最重要係工作，嚟緊台慶，都唔諗其他事。」Tiffany最不希望事件影響到家人。
+4