【亞洲電視大獎】胡鴻鈞憑《降魔的》爭男配角：我以為係惡作劇！

「2018亞洲電視大獎」（第23屆）將於2019年1月在馬來西亞砂勞越，提名名單日前出爐，獎項包括新聞、紀錄片、娛樂節目、音樂節目、綜藝節目、戲劇、電影等，是近年最有影響的頒獎典禮之一。不少香港電視節目、藝人都有份入圍，包括分別憑《誇世代》和《獅子下山2017》單元〈秘密〉入圍「最佳女主角」的李佳芯和郭羨妮，以及憑《短暫的婚姻》入圍視帝競選的陳奕迅。

而胡鴻鈞則憑《降魔的》入圍「最佳男配角」，他接受《香港01》訪問時，便指自己知道消息時「唔係好反應到」，甚至以為是惡作劇：「真係好多謝好多謝《降魔的》整個劇組同全部演員嘅努力同付出，令到石敢當（胡鴻鈞角色）得到咁多意外嘅收穫，同時都希望可以畀更多唔同地區嘅電視觀眾認識到香港電視劇嘅製作係有水準嘅。當然都好多謝大會嘅肯定，能夠同唔同地方嘅優秀演員一齊入圍，受寵若驚，亦都覺得已經係超額完成。開心過後，繼續努力！」