石天欣撐何韻詩：「我都係黃絲，係咪都要叫我港獨？」
撰文：陳浩賢
出版：更新：
何韻詩跟Lancôme的風波愈演愈烈，本地及內地網民分為兩大陣營，爆發激烈罵戰，但真正肯為阿詩發聲的藝人，卻寥寥可數。前無綫藝人石天欣，日前在instagram發文力撐阿詩外，更自爆：「我都係黃絲，係咪都要叫我港獨，呢幾日的報道令我諗起自己，前年撐雨傘運動」。
天欣坦言雖然前經理人阻止她撐雨傘運動，害怕影響她的工作，但她堅持照去佔領現場，「因為我想對得住自己，唔想自己後悔！」，「我唔想做一個機械人，一個受人控制的人，講我唔想講的說話」，天欣慷慨激昂的留言，隨即獲得網民爆like激讚，同時亦受到內地網民攻擊。
天欣周日（6月12日）在instagram透露，有內地網民指她博宣傳，又問她為何來內地賺錢，天欣自言：「我係返內地工作，但係賺香港錢，而係評論中get到唔係港獨就會紅，OMG大家唔使去整容啦，記得愛祖國即漂亮。」天欣句句大膽，看來是預算不會賺國內的錢了。
今日天欣再次在instagram透露自己的心路歷程，「有朋友都怕我發聲後會沒工作，說真，近一年都差不多沒有做娛樂工作，做一個真正自由，有自己思想快樂的人，有人看到今天新聞後，還是說我想博出位，說我為什麼之前不出來，其實當時的我有支持呀。不過最近我都明白一個道理，跟不明白的人，怎樣說他都不會明白，只能等一天他自己醒過來。」還幽默地說：「我的個人立場只限本人，無人會搵我做代言人。」