陳展鵬同單文柔結婚唔夠一個月宣布有喜：Baby is coming！

現年41歲的視帝陳展鵬 (煎pan) 與28歲的單文柔 (Phoebe) 於今年10月13日正式註冊結婚，估不到事隔不到一個月，兩人又有喜訊宣布。呢日煎pan與老婆Phoebe就同步於他們的ig上post了一張相，寫住兩人的英文名以及「Baby is coming」，宣布將會做爹地媽咪喇。

煎pan留言表示：「2018年真是一個難忘嘅年份，我又再多咗一個身份啦！期待你嘅來臨。」而Phoebe就留言表示：「期待小豬比的來臨。」原來煎pan同Phoebe的愛情結晶品個乳名叫「小豬比」。此post一出，他們的一班圈中好友、粉絲以及網民當然都紛紛留言恭喜他們啦。

其實他們結婚時已有講到隨時Ready做爹地媽咪，不過就沒有講過會咁快，如今兩人造人成功一定好開心了。以「小豬比」呢個名推斷，比字發音同Phoebe尾音相似，唔通BB會係女仔？而根據中國傳統習俗的慣例做法，一般準媽咪都會在腹中BB夠了三個月才對外公布喜訊，免得BB小氣，未知煎pan同Phoebe又有無跟住呢個傳統習俗去做呢？如果有的話，Phoebe腹中BB應該已有三個月大了。

一齊睇下呢對幸福準爹地媽咪啲靚相吖！