【跳躍生命線】原本大結局佢會死？ 編審冼翠貞：佢一直對抗命運
撰文：陳栢宇
出版：更新：
由馬德鐘、劉佩玥、何廣沛主演的無綫台慶劇《跳躍生命線》今晚（9/11）播出第25集大結局，觀眾一直想知道的，都在這集裏面得到答案，開始都時候觀眾都與飾演麥Sir的馬神馬德鐘一樣，以為上天繼帶走李佳芯後，再帶走飾演阿Man的張曦雯，當大家都覺得命運殘酷時，卻有奇蹟發生，本應心臟停止跳動的張曦雯因為「拉撒路症候群」，循環系統突然自發地恢復運作，教人舒一口氣。
點擊下圖觀看張曦雯死而復生有幾峰迴路轉：
+7
《跳躍生命線》編審冼翠貞接受《香港01》訪問時，便指當初構思故事度劇本，好快便諗好開頭和大結局的情節，之後再將兩點慢慢串連在一起，而大結局的安排亦是有根有據：「資料係有發生過呢樣嘢（拉撒路症候群），所以我哋就決定畀張曦雯死而復生。當然啦，上天帶走咗Ali（李佳芯）係好無常，但命運除咗有無常、有意外，但其實仲會有希望、有奇蹟，就好似張曦雯喺結局嘅情況咁。」
講到整個故事都是馬德鐘與命運對抗的過程時，冼翠貞即說：「起初係佢痛失Ali呢個至愛，然後就慢慢接咗命運畀佢嘅規則，再到佢以為冇埋張曦雯時，令佢勾起晒所有嘢同提出疑問，原來所有嘢都唔係可以習以為常，唔係樣樣嘢都接受到。」講到結局在淡然中帶點戲劇性，她坦言腦海中有另一個版本的結局：「咁如果想再Dramatic啲，就一定再死人喇，而且死嘅一定係麥Sir，又係好似雄姐（張彥博）咁，咁樣會好勁，但係我哋又唔係好想咁樣，因為咁做太過冇希望喇，太傷心喇，違反咗呢套劇嘅宗旨。」
點擊下圖重溫結局金句讀白：
+10