《G殺》楊卓娜性感演出前有問准老公：太激嘅佢會唔畀我拍

拍電影劇出身的楊卓娜最近踩埋入電影界，演出了她的處女作電影《G殺》，呢部電影卻被評級為三級片，首次拍電影就拍了一部三級片的她，在官方Trailer中有一幕性感鏡頭，引人遐想。卓娜今日出席活動時，被問到知否該電影是一部三級片時，她說：「拍嗰時唔知㗎，淨係知道係一部懸疑片。電影嘅評級係由電檢處依據一啲準則去決定嘅。」

提到她於戲中的大膽性感演出，她表示：「其實我拍之前有同導演事先聲明，裸露暴露嘅嘢都唔會做。我有問過導演嗰幕係有需要拍嘅，可以交代到個劇情，並唔係刻意賣弄。至於劇情方面我就賣關子先，大家想知嘅話就買飛入場支持下啦。嗰場戲係講我嘅日常生活，喺度着緊件衫，最緊要拍嘅時候感覺舒服，出嚟嘅效果靚，今次唔算係我從影以嚟最性感嘅一次，之前演TVB嘅《全職沒女》着三點式仲性感啦，嗰次之後我有同啲PA講話以後唔好搵我演呢啲鏡頭。」

卓娜坦言拍《G殺》呢場性感戲份事前有問准老公：「我有同佢講話場戲係點嘅，我拍呢啲鏡頭之前都會問准佢，要尊重佢㗎嘛，如果太激嘅佢會唔畀我拍㗎。」至於將來再需要性感演出可會考慮，她說：「要睇劇本，最緊要打動到我，成件事係自然同舒服嘅，同埋事前溝通好。作為一個藝術表演者，唔會話局限自己嘅演出，但我又唔需要刻意去接呢類戲。平時自己出席隆重嘅event都會着啲性感晚裝，好難講個尺度去到邊，咁當然會知道自己個底線啦，唔會露三點。」她又透露今次是該電影的監製找她演出：「係一種緣份，我都想支持新晉導演，支持呢個行業。」

一齊重溫楊卓娜在《全職沒女》的演出: