陳法拉出席大學電影活動好感觸：做過學生先知窮

陳法拉今日以嘉賓身份，出席由香港浸會大學傳理學院電影學院創辦的第一屆「全球大學電影獎」，剛離開校園的法拉，到大學出席活動，令她份外感觸，「我剛剛做完學生，返到學校環境，我覺得呢個地方係一個俾學生最自然發揮同發展嘅空間，最能夠培養出藝術嘅地方，每一個導演都要有佢第一次執導嘅經驗，可以得到機構同學校嘅支持，對學生嚟講係一個好好嘅鼓勵。」

對於剛畢業於戲劇學院的法拉來說，深知機會和資源對導演和演員的重要性，「做過學生先知窮」，法拉說，「做過學生先知道喺無資源嘅情況下做藝術係好艱難，但咁樣反而迫到創意出嚟，不過除咗資金，獎項支持都好緊要，係精神上嘅鼓勵。」

雖然有編劇及執導，但法拉說她正職是演員，所以除了籌備自己自編自導的電影，同時亦有出演電影角色，月底將參與一部獨立電影，由新導演執導，她將遠赴內蒙古拍攝，法拉形容這部電影對她來說，在各方面都很有挑戰性，「語言上要講北方方言，角色各方面都同現實嘅我好唔同，所以好期待。」