【跳躍生命線】劉佩玥中愛滋針？　救護員爆如確診不能出勤

由馬德鐘、劉佩玥和何廣沛主演的無綫台慶劇《跳躍生命線》播出以來一直深受觀眾歡迎，第11集至15集的7天跨平台總收視點高達29.3，成績非常之好，而飾演雄姐的張彥博在劇中慘死，亦令觀眾流下淚水。今晚（7日）播出的一集，又多一個救護員疑似中招。

「Final Boss」曾偉權向馬德鐘及其家人展開報復，其中劉佩玥遭淋紅油，雖然行動未遂，但劉佩玥躲避時手掌意外被地上一個用過的針筒刺傷，有機會染上愛滋，搞到要測試體內是否有HIV病毒，須等足一個月空窗期才能知道結果。

一位現役救護員接受《香港01》訪問時便指劉佩玥一旦不幸確診，正常情況下便會立即停工：「就算佢只係得手足口病，都唔可以畀佢再出勤，就算感染到人嘅機會得萬份之一都要小心處理，因為作為救護人員，我哋要畀市民信心，如果照畀帶病嘅人出勤，仲會唔會畀到市民信心？呢點好值得商榷。」至於曾否有手足執勤時感染HIV病毒？他便指暫時未有救護員因工「中招」。

假如傷者有愛滋病又會怎樣處理，他指如果接報時已經知道的話，救護員便會穿上「全副武裝」，戴上厚手套、口罩和面罩等：「真係發生過類似情況，但亦都試過有傷者一開始唔願意講，上咗白車去緊醫院半路先講，呢個情況真係會搞到在場嘅救護員呆咗，因為我哋消防、救護同醫院嘅資料庫唔係相連，所以好靠傷者肯唔肯講，等我哋做好準備。」

不過，愛滋健康關注社總幹事Duncan接受訪問時卻指這位救護員的講法不盡正確，包括救護員如不幸患上愛滋病其實是可以照樣出勤，因為《殘疾歧視條例》第61條特別註明，對HIV病毒呈陽性反應或患上愛滋病並不算患上傳染病，若消防處因救護員患愛滋病而對其有特別工作安排，或會違反香港法例：「雖然病人感染畀醫護人員嘅機會，比起醫護人員感染病人嘅機會高好多，但其實個機會都係數百萬份之一，而且從來都冇醫護人員感染病人嘅報告紀錄，當然，呢個唔係冇可能發生，只係未發生過，而愛滋病病毒感染與醫護人員建議指引第2.4，亦說明醫護人員毋須向病人或顧主透露自己有否感染愛滋病病毒。」

他又指救護人員處理有血濺情況的個案才會「全副武裝」：「理論上救護人員每次出勤，都會假設任何病人都有機會患上可經血液傳播疾病，而醫護人員應跟隨標準防護措施及護理守則，接觸所有病人體液、粘膜或者不完整皮膚時、處理被血液或體液污染物件時，及進行靜脈穿刺、脈管通路程序及傷口換症時，先必須戴上手套。接觸活躍性出血病人及進行入侵性程序時，先要穿戴保護外袍、口罩及保護眼罩或面罩。」

其實劉佩玥個角色有冇愛滋，我哋都係咁愛佢，點擊圖片睇靚相：