田蕊妮幾廿歲講夢想 ?　「夢想無分年齡」

田蕊妮（阿田）與曹永廉（阿廉）今日（7日）為新劇《她。她。她的少女時代》試造型，兩人首次合演夫妻，但阿田指二人在劇中親熱戲欠奉：「我哋飾演一對結咗婚廿年嘅夫妻，唔會再講甜言蜜語，似拍檔多過似夫妻。」阿廉則說：「好多夫妻都係咁，熱情慢慢會淡化。」

阿田大讚新劇劇本細膩，對自己也很有啟發，「劇本係講一班中年人，喺佢哋人生上面對好多危機，同埋社會對佢哋嘅標籤，佢哋如何在呢種環境中重拾自信和夢想，繼續去追夢，我以前會覺得夢想係留返畀後生仔啦，幾廿歲講咩夢想，但睇完劇本，改變咗我嘅諗法，夢想應該無分年齡，每個人都有資格去追夢。」

阿田近日再闖樂壇，出新唱片，她說做歌手係佢細細個嘅夢想，直到今時今日，她仍在追夢；而歌手出身的阿廉也說，他年輕時的夢想，是踏上紅館舞台唱歌，後來夢想成真，而這刻的夢想，則只是希望小朋友在各方面成功和平安。