【跳躍生命線】麥Sir、傑仔、俊仔終脫單　變跳躍感情線齊拍拖　

呢幾集《跳躍生命線》主力講何詠倫點樣死纏爛打麥Sir，搵人襲擊佢之後，連諾兒、祈祈、愛花、阿Man都唔放過，真係煩到嘔，唔少觀眾亦因而覺得劇情開始拖拖拉拉……今集雖然何詠倫繼續老是常出現，但愛情線亦同時進行，甚至可以稱之為《跳躍感情線》。

先係先前傑仔同祈祈呢一對，男嘅前幾集由長沙灣跑到西貢、練食榴槤等舉動終於打動女方，祈祈今集更主動送上香吻，得咗；而俊仔今集亦趁Moon受傷，乘機表白；至於另一條愛情線：仁哥（韋家雄）同阿嵐（楊卓娜）今集亦似乎有啲嘢，事緣阿嵐嘅奶奶決定入住護老院，並勸佢好好再覓好歸宿，到底呢兩位有過去的日子會唔會開花結果呢？

另一邊廂，已經買好晒機票準備去斐濟嘅阿Man，今集終於起行，麥Sir因為要加班而未能出席佢嘅farewell飯局，但佢就透過電話成功挽留Man，之但係，麥Sir係咪咁易得到幸福呢?