【開心速遞】潮偉完美示範愛屋及烏　被尚善屋企人打到入院都唔嬲

無綫處境劇《愛‧回家之開心速遞》入面的熊尚善 (滕麗名飾) 同潮偉 (袁文傑飾) 呢對CP日前已經正式復合，身為尚善阿爸的根叔 (劉丹飾) 當然好開心啦，因為根叔一向都好鍾意潮偉呢個未來女婿，發夢都想個女同對方一齊。昨晚的劇情就講根叔對潮偉有幾好，特地出動到私人珍藏的日本高級羊羹來招呼潮偉，又煮隻大鮑魚給潮偉食。不過向來慳家又「度縮」的根叔，竟然畀了過期羊羹、發霉鮑魚以及煮了成個星期的鴨掌給潮偉食，食到潮偉肚瀉。

但正所謂愛屋及烏，潮偉咁愛尚善，所以亦當女友屋企人是自己的屋企人，完全無怪過根叔。就連他當是第二生命的珍藏古董車被熊尚水 (呂慧儀飾) 撞到變了廢鐵，兼且之後因誤會而被熊家打到受傷入院留醫，他都沒有半點生氣，足以證明了潮偉究竟有幾愛尚善。其實莫講是另一半的屋企人，以上行為就算是自己屋企人做都會嬲啦。

一齊睇下尋晚嗰集嘅片段。