節目巡禮穩站第一行正中間　王浩信：有投入與付出，都會發光發熱

王浩信昨日出席TVB《2019無綫節目巡禮》，身為去年視帝的他不論在節目開場及大合照都穩站在第一行的正中間，顯示在TVB的重要地位，浩信表示很感謝自己被看重：「我覺得公司將我安排喺呢個位置，可能會提升大家對我嘅關注度，我好感恩。但係我覺得做演員要集中做好自己，保持自己嘅品質先係最緊要，如果唔係其實擺係邊到都無用。就算擺喺角落，如果有好嘅投入同付出，都會發光發熱。」

雖然王浩信下年只有一套《解決師》會播出，但根據劇集簡介片段的播放次序，把《解決師》放在後尾位置播放，是否已經暗示將被視作重頭劇壓軸播放？浩信表示其實還未確實劇集會在甚麼時候播出，不過他表示檔期對他來說並不太重要：「而家睇劇，我覺得觀眾未必淨係睇佢係咩檔期，亦都會睇佢係咩題材有無啲咩可以吸引到佢哋，因為大家都有好多選擇。而我自己就會集中喺做好呢度劇集嘅主要元素，包括動作同角色嘅立體性等，希望喺演出上處理好，令觀眾覺得有品質。」

近年王浩信都在台慶劇中亮相，如前年的《致命復活》、去年的《溏心風暴3》和今年的《兄弟》亦在接近年末頒獎典禮時播出，會否覺得因印象較新鮮觀眾而較有優勢？「其實唔係㗎，你有好嘅位置，只會有嗰個位置嘅壓力。你喺嗰度大家都會擘大隻眼睇你做啲乜嘢，如果你好，當然可以放大啦，但係你唔好嘅話，亦會同時放大，所以相對壓力都會有。」