馬國明下年三劇在手　《降魔的》續集原班人馬開拍

馬國明昨日（2日）出席TVB《2019無綫節目巡禮》，下年將會有三套劇有馬明的演出，包括《白色強人》、《C9特工》以及《降魔的2.0》，他說自己很久沒有試過一年有三套劇了：「其實我上年無乜戲出過街，我上年都係出咗套《深宮計》啫。《白色強人》同埋《C9特工》上年拍咗㗎啦，只係一路無出街，咁就變咗出年會多少少。」

去年奪得「最佳劇集」的《降魔的》大受歡迎，在節目巡禮上公佈了即將開拍《降魔的2.0》的消息，令人非常興奮！身為《降魔的》男主角的馬明透露：「主要都係原班人馬，當然都會有啲新嘅角色加入啦！我覺得最好就係起碼無換到幕後嗰班人啦，監製同編審都係一樣，所以對故事嘅發展會好啲。其次係拍第一輯嘅時候佢哋已經覺得有幾會拍第二輯，唔會好似完咗個故仔再夾硬寫個新故仔出嚟咁，我覺得呢個會好啲嘅。」他表示自己已經收到劇本，但還未正式看過劇本，所以自己暫時對整個《降魔的2.0》的故事情節還是一無所知：「我而家仲拍緊《飛虎》，要完咗先至拍《降魔的2.0》，但係我對監製同編審好有信心。」