「跳躍F4」揚言想開演唱會 「美作」郭子豪：絕對無醜化吳建豪
撰文：趙允琳
出版：更新：
《跳躍生命線》中的「新F4」何廣沛、羅天宇、張彥博和郭子豪日前上載一條模仿台灣組合F4的影片後大受觀眾喜愛，昨日（2日）更加在TVB舉行的《2019無綫節目巡禮》上穿回影片上的造型現場表演，令在場所有人捧腹大笑。
影片在短短幾日就已經有54萬人觀看，他們表示沒有想過會引起這麼大迴響：「嗰日我哋做完Big Big Channel，我哋呢班後生仔想繼續為套劇宣傳，咁我哋就諗，環掂我哋喺個記招度講我哋係一個叫『F4』嘅組合，不如就順理成章做埋F4流星雨嗰個MV啦！」他們更野心勃勃，打算再下一城開埋演唱會：「我哋都諗住會去新界啦、九龍啦、北角啦、赤鱲角啦，都會開埋巡迴演唱會嘅！」
最受網民注目的當然就是扮演留有一把秀髮的「Vanness」郭子豪啦！不少人都對子豪的搞笑演出另眼相看，看似認真的他沒想到「扮嘢細胞」這麼旺盛！他笑說：「我真係好認真咁扮㗎！我終於有個機會澄清返，對唔住啊Vanness（吳建豪），我係無諗住去醜化你嘅形象，我真係好認真去做！」