【是咁的，法官閣下】演台慶劇易做視后？　王君馨：我係今年黑馬

王君馨（Grace）今天（25日）出席無綫劇集《是咁的，法官閣下》宣傳活動，她接受訪問時坦言劇集獲列為台慶劇令她非常興奮：「其實初初都好緊張，但而家興奮已經蓋過緊張，因為有幕後同事睇咗話好好睇，我拍嘅已經盡咗全力演好。」

點擊下圖觀看王君馨有幾靚：

提到外界一向認為台慶劇在年尾頒獎禮中勝算更高，王君馨坦言拍攝《是咁的，法官閣下》時不知道劇集會成為台慶劇：「我覺得我係今年黑馬嚟㗎，黑馬都要搵人做㗎嘛，咁我可以做今年黑馬！」她又指演員能否得獎，不是視乎拍攝前後付出的多與少：「大家盡晒力，最後就要睇觀眾有冇共鳴，鍾唔鍾意呢個角色。當然，我梗係想拎獎啦，但做黑馬我又唔係最有信心嗰個。」