【廣告女皇】着泳裝穿梭鬧市超尷尬 LilyMan累全組人變意識不良

撰文:鄺鈺瑩
出版:更新:

ViuTV全新節目《Good Night Show廣告女皇》每集都會有唔同嘅物品交到一眾參賽者手上,再在詹朗林、陳子豐、陳俞希和陳炳銓帶領下,令物品變得有型有格受大眾歡迎。上一集一眾參賽者要在兩小時內,以有限資源為泳衣品牌拍攝廣告併發布於社交媒體上。照片曝光後,結果負評連連,有網民更指要炒咗形象設計同攝影師。
之不過,其實所謂的形象設計同攝影師原來都系一眾參賽者,由於拍攝當日大會只系比兩個鍾佢哋,所以一班女仔都幾心急,而Lily Man(文芊澄)更因而成為眾矢之的,除搞到組員Vky黑麪之外,導師陳炳銓亦都甚為有火,手忙腳亂之下,結果唔好話執相,連揀相都唔夠時間,評判之一嘅倪晨曦睇相後,都忍唔住指「你哋caption話自信源於你的選擇,但我完全feel唔到自信,好似各自做自己嘢咁。」而作品曾刊登於美國著名的成人雜誌《Playboy》的攝影師Ruby更直指陳炳銓一組的某幾張照片「意識不良」,大盤大盤冷水,幾位參賽者亦承認「揀相上繫有錯誤 」。
而獲評一致贊好、得到第一名的詹朗林(JJ)組,雖然作品系幾有美感,之不過,參賽者Candy事後都好老實咁話:「由泳衣店出嚟嗰陣覺得petpet好赤裸,仲要喺灣仔,好想揾紙袋遮頭。」小神經表示自己第一次著比堅尼,以為會去到沙灘拍攝,結果原來在鬧市進行……拍攝外景時,小神經突然向工作人員表示「可唔可以俾返衫褸我,嗰個人個電話系咁(低炒),好尷尬。」一眾參賽者都唔系專業模特兒,要佢哋着住泳衣「遊街」影相,仲要俾人眼望望,勇氣同誠意少啲都真系唔得掂。sell完泳衣之後,新一集佢哋要負責sell安全套,節目更安排咗男觀眾到場,又系一埸尷尬之戰。
+4