苟芸慧結完婚嗰晚同老公做咩? 佢話:好浪漫

撰文:吳子生
出版:更新:
苟芸慧(Christine)今日(25/10)以代言人身份出席灣仔舉行的美容品牌發布會。Christine 婚後出席首次活動,心情勁靚:「啱啱結咗婚幾日,心情仲繫好興奮,仲未沉澱到,好似仲有啲嘢仲未做咁,其實結婚當晚個人嘅精神狀態真繫好攰,自己出名都好捱得,就算開凌晨4點做成十幾個鍾我都唔會攰,但結婚過晚真系成個人都散曬,當晚啲賓客送嘅禮物禮金我都冇精神理,交曬俾老公佢處理,我就敷住面膜瞓,佢見到我敷,佢又跟住敷,佢平時都唔貪靚,敷完仲同我講皮膚真系靚咗,我覺得兩個人一齊做呢件,系一件好浪漫嘅事。」
由 TVB 五位美女組成的「處女黨」,成員相繼結婚,最後一位黨員 Christine 亦在早前完婚,「處女黨」正式瓦解。Christine笑話:「我估嚟緊一定會有新花名嘅,但未知啲記者會俾啲咩花名我哋,其實花名都可以改得再得意啲嘅,我都好期待,哈哈。」