杜小喬同達哥夜蒲　豪飲10幾萬香檳：平時唔係好飲酒

杜小喬今日（24日）出席護膚品牌活動，她笑指自己其實在護膚上比較懶：「我同好多都市女仔一樣，日頭好多嘢搞，又要化妝又要整頭！」她說自己的眼底經常都很乾，所以女生二十多歲起就應該要開始注重眼部的護理：「成日都夜瞓挨夜，又唔知食啲咩好啦，會好容易流失水份。」她笑指自己黑眼圈很嚴重，但也是自己的特色之一。

小喬透露最近正忙於拍攝一個飲食節目，那麼對食物方面有甚麼要求？小喬表示：「唔好落太多味精，唔好落太多調味料，佢個食材本身係咁，就應該要咁樣食返。」小喬稱出外食飯太油膩，而且又有很多食物添加劑，做運動後發覺應該要對生活素質有更高要求，所以為了健康著想開始自己下廚，減少出外進食。

五月時與網絡紅人達哥到日本拍攝的ViuTV節目《堅離地》將在年底播映，小喬透露與達哥一起喝酒：「我平時唔係好飲酒嘅，但我飲咗一支價值幾十萬嘅香檳！（有無醉啊？）我知達哥喺度嘅，有醉嘅話唔知佢哋之後會做啲咩呢？」她形容達哥是一個冷面笑匠，經常做些搞笑的事引她笑，卻被報哥反指：「喂杜小喬，你笑點都幾低㗎喎！」她要求大家評評理：「我覺得我笑點係高㗎！明明佢自己先係搞笑嗰個，佢話我笑點低，佢真係好搞笑！」