【法證先鋒IV】李施嬅演法醫 否認頂替胡定欣 ：小青姐一早搵我
撰文：賴家杰
出版：更新：
TVB 劇集《法證先鋒IV》今天試造型，李施嬅(Selena)今次首次挑戰飾演法醫，為此 Selena 也特意去做一些搜集，「睇吓一啲外國嘅法醫劇集，同埋有問一啲法醫嘅朋友睇吓可以點做好呢個角色，因為其實大家都可能會同頭三部作出比較，相隔多年，第四部都想感覺有少少唔同。」
平常身邊的人可能比較難以接觸到法醫這個職業，而施嬅直言當初認識這些朋友真的要找人介紹才認識得到，「佢哋都係正常人，你唔會覺得佢係一個法醫，佢只係一個人囉，所以其實真係要上網做吓搜集睇佢哋做法醫嘅經歷。」
據說 Selena 的角色原本是由胡定欣飾演，有傳因為胡定欣和陳煒不合，所以定欣便推掉這角色，施嬅對傳聞一頭霧水，「其實好早期小青姐已經mark 咗我，之前仲有一個報導話我頂替咗楊怡個角色添，大家都搵我頂，我頂得邊個呀，又頂定欣又頂楊怡，所以都只係一啲報導嚟，可能最近傳佢離巢，又傳杏兒會開公司，其實都係花邊新聞。」